Žemaitėjės kaima ekspuozicėjė, katra priklausa Žemaitiu muziejou „Alka“, i̇̄r vėina ėš
trijū pagrindiniu kaima boitėis nuolatiniu ekspuoziciju Lietuvuo (kāp ėr Rumšiškiu ar Ruokėškė muziejē).
Čia pu atvėro dongo i̇̄r pristatuoma 16 autėntėšku XIX-XX o. sandūras pastatū (12
metru aukštė viejė malūns, kalvė ėr 3 kaima suodi̇̄bas: stombė žemaitė ūkėninka, vėdotėnė ėr nabaguota valstietė). Īr ėr simbuolėnē kapelē. Stombė ūkėninka suodi̇̄buo pastati̇̄ts gi̇̄venamāsis noms (truoba), svėrns, jaujė, tvarts (kūtės), daržinie, kiaulėninks, žardėnė ėr pėrtės. Žemaitiu suodi̇̄bas liuob būtė erdvės ėr liuob torietė daugiau ivairiuos paskėrtėis truobesiū nego aukštaitiu ar dzūku ūkē.Gera Žemaitėjės ūkėninka suodi̇̄buo galiejė būtė ligi 10 pastatū – masi̇̄viū, so daug patalpū. Ekspuozicijuo ruoduoma pagrėndėnė gi̇̄venamuojė noma (truobuos) vėdou gal pamati̇̄tė 11 patalpū, katrū pavadėnėmā svetems ėš kėtū Lietuvuos regėjuonu i̇̄r nasoprontamė ba vėitėniu
pagelbas, pvz., ar atspietomėt, kas i̇̄r pri̇̄šininkė a špėžarnė? ...
Ekspuozicijuo pristatuomuo vėdotėnė valstietė suodi̇̄buo stuov gi̇̄venamāsis noms
(truoba), svėrns, jaujė ėr tvarts.
Nabaguota valtietė suodi̇̄belė sodara truobelė ėr tvartielis.
Ekspuozicijuo i̇̄r organizuojamė rėngėnē: folkluora pastėvalē, kluojėma tijatros, gegožėnės pamaldas, advėnta laikuotarpė edokacėjės, klasie i̇̄r muokuoma austė, dari̇̄tė žaislelius, veltė vėlna, siovėnietė,
Čia augėnamė ėr žemaitoku veislies arklē – gal pasėvažėnietė ėr arklio pakinki̇̄to
vežėmātio.
Atsiliepimai
Rašyti atsiliepimą