Neogotėkėnis rauduonū pli̇̄tu žėrgi̇̄na pastats ėškėla 1879 m. Kairie žėrgi̇̄na posie kažkumet bova laikuomas karietas ėr stuoviejė arklē – daugiausē žemaitokā. Dešėnie posie gi̇̄vena arklėninkā. Dvarė tarnavė žmuonis pasakuojė, ka žėrgi̇̄ns bova gerā priveizams ėr tvarkings, arklē kuožna dėina šokoujamė, vi̇̄riausė̄sis arklininks liuob dievietė baltus marškėnius os stondinto api̇̄kaklė ...
Par I pasaulėni kara Plungės dvara žėrgus rekvėzava vuokietiū karėnė valdė (konėgākštis M. Oginskis jau bova mėrės). 1922–1934 m. veislėniu žemaitoku žėrgi̇̄na bova atkūrosi Žemės ūkė muoki̇̄kla. 1934 m. Oginskiu dvarė apsėstuojė Lietuvuos kariuomenės artėlerėjės polks, vuo muoki̇̄kla ėr žėrgi̇̄na ėš Plungės dvara ėškielė kėtor.
Bet gri̇̄žkem i XIX šimtmeti. Plungės parka pakraštie Oginskis Mi̇̄kuols bova pastatės namaža pastata – vadėnamōjė mozėkontėnė so 9 kombarēs. anuo veikė mozėkas ėr orkestra muoki̇̄kla, katruo muokies ėr būsėmāsis kuompuozituorios M.K. Čiorliuonis. Mozėkontėnės pastats naėšlėkės, bet mozėka ėš Plungės dvara napasėtraukė. Kuožna meta bovosė dvara žėrgi̇̄na patalpuos vi̇̄kst tarptautėnis Oginskė Mi̇̄kuola klasėkėnės mozėkas pastėvalis.
Atsiliepimai
Rašyti atsiliepimą