Plateliū dvara rūsie sovietėnēs matās bova sandielioujamas trōšas, vieliau vėršou pastati̇̄ts ontstats ėr irėngts viešbotis, vuo rūsie kažkėik veikė kavėnė.
Šiou meto dvara rūsie i̇̄r isėkūrės Tradicėniu amatū cėntos so patalpuoms amatū muoki̇̄mams, plenerams, paruoduoms ėr semėnarams. Isėgi̇̄tas audėma staklės, kaltu rėnkėnē medė druoži̇̄bā, gėrnas ėr kėlnuojamuoji kalvė, somūri̇̄ta dounkepė ėr kėtė būtėnė rēkmenis.
Amatū cėntrė i̇̄r puoseliejamė tradicėnē tuo regėjuona amatā: audėma, pi̇̄nėma ėš lazdi̇̄nu pliešū ėr eglės šaknū, medė druoži̇̄bas ėr kri̇̄ždėrbi̇̄stės, klompdėrbi̇̄stės, kalvi̇̄stės, žemaitiu kolėnarėnė pavelda ėr kėtė.
Tradicėniu amatū muoki̇̄mus ved sava amata ėšmanontis žemaitiu krašta amatėninkā ėr tautuodailėninkā. Čia ėr lonki̇̄tuojē gal pamiegintė austė, druožtė, pintė, siovinietė, verptė, sosėpažintė so Žemaitėjės tradicėjuoms ėr kolėnarėnio paveldo.
Atsiliepimai
Rašyti atsiliepimą