Grapā Tėškevičē sava oranžerėjė vadėna žėimuos suodno, vuo dvara parka so bovosio vaismediu suodno – vasaras suodno. Sovietu okupacėjės metās parks bova smarkē nuniuokuots. Nu 1992 m. parka atkūrėmo rūpėnas Kretinguos muziejos.
Nuorint pagi̇̄vintė kraštuovaizdi ėr sokortė nauji turistu traukuos objekta, pėitėnie parka dalie 2002 m. bova pastati̇̄ts astruonuomėnis kalėnduorios so saulės laikruodio (autuorė – dailininkė Gorodeckienė Rita). Tō kompozicėjė, katra primėn senuolės baltu kultūras tradicėjės, sodara tautodailininku ėšdruožtas ōžoulėnės skulptūras ėr ėškaltė akmenis, katrėi ži̇̄m istuorėnius i̇̄vi̇̄kius ėr kalėnduorėnės švėntės (Kretinguos miesta ikūrėma, Mindauga karūnavėma ėr Žalgėrė mūšė datas, Jorgėnės, Žuolėnė, Vielėnės ėr kt.). Pagrėndėnė kompozicėjės figūra – ont kalvelės pastati̇̄ta 6 m aukštė medė skolptūra, katruos šešielis ruoda valondas, paži̇̄mietas ont cėntrėniu akmėnū. Tuos patiuos skolptūras vėršou i̇̄r ėškėrsta onga – pru anō patekės saulės spindoli̇̄s skėrtingās metu laikās krent ont vės kėta akmenėis, ži̇̄mintė kuokė nuors švėntė.
Idomi detalė: seniausis Saulės laikruodis (tik jau nabaveikontis), pastati̇̄ts aple 1610 m., ėšlėka Kretinguos proncėškuonu vėinuoli̇̄na kėimė.
Atsiliepimai
Rašyti atsiliepimą